محاوره رشيد الزلامي x تركي ألفين

[القناص المحترف]

السلام عليكم ورحمة الله وبركاته ،،



محاوره


رشيد الزلامي x تركي ألفين



.................................................


رشــيــد الــزلامــي





ياتركي الفين نسمع عنك بعض الكلام ***ومطير ماودنـا نشـذب عراقيبهـا





اما ليا جيتنا وقـف ورد السـلام***ولا نكبنـاك نكبـه مانـت داريبهـا







تــركــي الــميــزاني







السر مدفون مابين اللحم والعظام***واهل المواجيب ماننقص مواجيبها





أنا سلامي عليكم مرةٍ كل عـام***واهل الهناديب ماتنفع هناديبهـا






رشــيــد الــزلامــي






انته من العام تخلطها حلال وحرام***ماعاد لك قبلةٍ تعـرف تصليبهـا





تشيل عشرين طلقه ميته بالحزام***وتزهب البندق العجرا وترميبهـا







تــركــي الــميــزاني






اللي يقول الحقيقه مايجيـه المـلام***والنار ياكثر من يشعـل مشاهيبهـا





إن كان عين الزلامي مايجيها المنام***من يرخي إذنه لهرج الناس يوحيبها







رشــيــد الــزلامــي






ترا معـي حيلـةٍ لمخالفيـن النظـام***والله لخليـك ياتركـي تهذريبـهـا





وإني لطاردك وسط المملكه شرق شام***ليـن الطـروق الرزيلـه ماتغنيبهـا






تــركــي الــميــزاني






أنته وانا كلنا متقاسمين الطعام***لكـن الايـام لاتامـن عواقيبـهـا





ياراعي الخشم خشمك لا يجيه العرام***لحيتك تقديرها من قـدر أشانيبهـا








رشــيــد الــزلامــي







الوقت يا شاعر المطران جاله سنام***لكن عوجة رقبته وش نسويبهـا





والحر يشبك بفرخٍ من فروخ الحمام***يا طيبها يوم جابت صقر ياطيبهـا







تــركــي الــميــزاني







صل الفرايض وحج البيت واقض الصيام***لا عـاد سبحتـك للعالـم تواميبـهـا





النور يا شاعر الروقه يزيل الظـلام***وحنـا صقـور ٍ تعشيهـا مخاليبـهـا







رشــيــد الــزلامــي







انتم قبيله لكن الطق فـك اللحـام***مطير قوم ٍ خلقنـا الله لتعذيبهـا





سقناك من قلة الحره لغربي نعام***ديار تصبح بها وديار تمسيبها







تــركــي الــميــزاني








أعرف عشيره واعرف الجمش واعرف جهام***ياشيب عينـك مـن المطـران يـا شيبهـا





تحمـد الله وريـح فـوق ريـش النعـام***ضيوفـكـم ماتـبـا تـجـرح معازيبـهـا






رشــيــد الــزلامــي






انته تعرف الديرلكن بيـاع خـام***ماغير تمشي وكل أرض ٍ تعشيبهـا





حنا ليا حميت الهيجا وحصل الزحام***نشرب فناجيل خلـق الله ونرميبهـا






تــركــي الــميــزاني





أنا من اهل الأشده في نهار الزحـام***رجليك اباأنشدك من كسر عراقيبهـا





ياهل الفناجيل جاكم ردهـا بالتمـام***من حول أهل المناصب من مناصيبها






رشــيــد الــزلامــي








صاحبك شايب لكن انته بسن الفطام***أعرف علوم ٍ ماظن ألفين يدريبهـا





والله يالولا حياي من الرجال الحشام***لا قولها صح وآخليك تسريبهـا






تــركــي الــميــزاني








انته تحلم ولا غشتك غير الحلام***راجع دفاترك تلقـا فـي مكاتيبهـا





وراك ما قلتها ياصاحبي من شمـام***حتى إن حملتك في ظهرك تزوزيبها






رشــيــد الــزلامــي






يامطير ماعاد ينفعكم شراب وطعام***من يوم فارقتم أم الرمث وشعيبها





قامت عليكم دروز ٍ ماتعرف الكلام***وانتم كما العقرب اللي تلوي ذنيبها













ارجوا ان تكون قد نالت على اعجابكم،،

[من ذاكرة الغيم]

مشكلة هذا النوع من الشعر كثرة التفاخر ، والعصبيات ، والتهجم على الغير ، والفحش في القول ، وكل ذلك منهي عنه في شريعتنا .

تقبل مني فائق التقدير

[علي صالح]

المهم ان الشغله مهاتره .. كل انواع الشعر لابد ان يكون فيها متل هذا . واساس الشعر هو . المدح , والفخر . والهجاء .
مشكور يا صقر على هذه الفريسه ..
ودي.....................

[الرقابة الخاصة]

يعطيك العافية

وكل عام وانت بخير

[القناص المحترف]

مشكلة هذا النوع من الشعر كثرة التفاخر ، والعصبيات ، والتهجم على الغير ، والفحش في القول ، وكل ذلك منهي عنه في شريعتنا .

تقبل مني فائق التقدير

اهلاً وسهلاً, يعطيك العافية
مرورك اسعدني

[القناص المحترف]

المهم ان الشغله مهاتره .. كل انواع الشعر لابد ان يكون فيها متل هذا . واساس الشعر هو . المدح , والفخر . والهجاء .
مشكور يا صقر على هذه الفريسه ..
ودي.....................


اهلاً وسهلاً, يعطيك العافية
مرورك اسعدني

[القناص المحترف]

يعطيك العافية

وكل عام وانت بخير


اهلاً وسهلاً, يعطيك العافية
مرورك اسعدني